Black Hawk Down (2001) 黑鷹15小時

電影 : 5______畫質 : 4______聲效 :極出色______整體 : 4.5

我好仲意的電影.所以成為第一隻已經有dvd都買返的blu-ray.

高清化方面好理想,係開頭暗位比較多noise,不過可接受的程度,整體滿意.

雖然已睇過3次但今次在高清下先認得後期係魔戒爆紅的Orlando Bloom.

因為我有dvd, 2 者比較之下發覺音效亦比dvd好.

另外,至從Master and Commander之後我留意多左音效,原來高清格式的音效如DTS-HD Master Audio 5.1,LPCM 5.1 係我d雞野套裝音響下都發揮到作用.音效會再detail D,感覺就似mp3同cd的分別.然而高清格式的音效就係標榜無任何壓縮的音效.

Master and Commander (2003)

電影 : 4______畫質 : 3______聲效 :極出色______整體 : 4

之前睇過但係無咩印象,重溫後確實是一部好戲.
跟Pirates of the Caribbean 魔盜王極端相反,
真實的航海生活,沒有魔法要睇風向位置巧妙智取退敵.

畫面我是不太滿意.聲音則極好,將會成為我以後試音效的demo.

然而因為極出色的音效而專心聽時,畫面相對又不太在意.所以整體是不錯的.

Jumper 越空行者

電影 : 3______畫質 : 4.5______整體 : 3.5

戲院上時無睇.套戲非常一般.

視覺特效其實唔錯,可惜不停重複.

唯一畫質是不錯的,又有世界各地境色睇.

後來發現是Mr. & Mrs. Smith那個導演拍的,即係只會拍一套高成本鬧劇.

Gone in 60 Seconds 極速60秒

電影 : 3______畫質 : 3.5______整體 : 3.5

其實成套戲只需要睇最後20分鐘,前半段都幾悶.

可以將最後20分鐘當成真人版GTA來睇.

另外,覺得Angelina Jolie個時最靚.

Starship Troopers 星河戰隊

電影 : 4______畫質 : 4______整體 : 4

很驚喜,作為12年前的經典電影,畫面高清化做得好好.

依家睇返,好多game都係抄佢.

The Incredible Hulk (2008)

電影 : 4______畫質 : 5______聲效 :極出色______整體 : 4

之前無睇過,哩集幾好睇比李安拍個套好.

Edward Norton表現好理想.

劇情爽快,視覺特效做得好.

Braveheart

電影 : 3.5______畫質 : 4______整體 : 4

部戲之前無睇過,幾好睇.

畫質作為15年前的戲來講非常的好.

Pearl Harbor (2001) 珍珠港

電影 : 4.5______畫質 : 4______音效:非常好______整體 : 4.5

畫質好好.個時係戲院睇又唔覺得好好睇.

係高清下又幾好睇,高清下睇珍珠港鏡頭(影住個炸彈由轟炸機一直落到航空母艦)更震撼.

再睇返其實成套戲的鏡頭好靚.有極出色的空戰場面.

不過因為愛情片包裝及淡化日軍為侵略者的形像,當年被受批評.

葉問

電影 : 4______畫質 : 0.5______整體 : 2

戲是好戲.不過blu-ray質素太差.

我相信仲差過DVD.買左之後令我對港產blu-ray無哂信心

28 Weeks Later

電影 : 3.5______畫質 : 3.5______整體 : 3.5

同28 days later比畫面質素提昇左到合格水平.

戲本身同上集個調好唔同.場面比上集大,各有各好睇.

28 Days Latter

電影 :3.5______畫質 : 1______整體 : 3

戲係一套拍得幾好的喪屍片.可惜畫質完全不合格根本未達高清水平.

聞說當年都係用DV低成本拍攝,相信母片質素太低無得救.

X-Men Quadrilogy(3集X-men+狼人外傳boxset)

最近又返睇左一次,X-Men實在是一部賞心悅目的特技動作片.


X-Men (2000)

電影 : 3.5______畫質 : 3.5______聲效 :很好______整體 : 3.5

其實整個系列的畫質都有點失望.沒有我期望的好.

第1集因為都9年前關係畫質一般.

同套戲個時睇覺得好勁,依家則有點不以為然.

X2 (2003)

電影 : 3.5______畫質 : 4______聲效 :極出色______整體 : 3.5

第2集都係畫質一般,本來我好仲意lee集.

但係再睇返又覺得一般.可能睇左太多次.

X-Men: The Last Stand (2006)

電影 : 3.5______畫質 : 4.5______聲效 :極出色______整體 : 4

到第3集畫面提昇返.高清下睇d視覺特技場面都好靚.

而今集幾個場面係幾震撼,如靈鳥殺Dr. X個度

本來我最唔仲意lee集,依家睇返又幾仲意.

X-Men Origins: Wolverine (2009)

電影 : 3.5______畫質 : 4.5______聲效 :很好______整體 : 4

有點失望,我原本期待有Transformers質素...

09年的電影來講畫質一般.

而在沒有戲院大銀幕的情況,在高清下場面顯得沒有迫力及特技場面不夠細緻